3 ka mayor sa Central Visayas gikomisyon sa Army Reserve

Tulo ka mga piniling opisyal sa lokal nga kagamhanan sa Central Visayas ug usa ka architect ang gikomisyon sa 7th Regional Community Defense Group, Army Reserve Command isip mga bag-ong opisyal sa Reserve Force sa Philippine Army.

Kini ang naglakip kanila ni Mayor Baltazar T. Salma sa Tanjay City, Negros Oriental, Mayor Wilson L. Pajo sa Pilar, Bohol, Vice Mayor Manuel A. Sy sa Manjuyod, Negros Oriental ug Architect walter Toston sa Tagbilaran City, Bohol.

Si Mayor Salma ang gikomisyon isip Major, si Archetict Toston ug Mayor Pajo ang gikomisyon usab isip Captains sa Philippine Army Reserve Force ug si Mayor Sy, isip Major sa Medical Corps sa AFP Technical Service.

Si Colonel Guillermo C. Luyao Jr., sa 7th Group Commander nga maoy mangulo sa donning of rank Pebrero 16 niining tuiga alang sa paghingpit na gayod nga pagtunol sa mao nilang mga ranggo isip mga newly commissioned officer didto sa Foundation sa University, Dumaguete City.

Ang pag-komisyon sa Reserve Force sa AFP ug sa mga lokal opisyal naggumikan sa nga circular 6 General Headquarters sa AFP nga giluwatan niadtong Mayo 6, 2003.

Sa nasayran nga ang maong Circular nga giluwatan sa Presidente sa nasud nga ang tanang lokal piniling opisyal sa lungsod, munisipyo ug uban pa mahimong reservist sa AFP ug magbaton kini og mga ranggo sa army nga Major, Captain ug Lieutenant.

Dugang niini si Luyao ang giapod-apod usab nila atol sa evening parade uban sa awarding ceremony ug donning of rank sa Foundation University ang mokabat sa P906,000 nga kantidad nga scholarship grants alang ngadto sa 107 nga mipasar sa pasulit alang Philippine Army Advance ROTC exam (PAARE) nga gihimo dili pa dugay.

Naglakip niini ang 38 ka scholars gikan sa 701th Cebu Community Defense Center sa Central Command, Camp Lapulapu sa dakbayan sa Sugbo.