Phil Army exam sa Centcom sa Peb. 27

Ang Philippine Army Mobile Testing Team mopasiugda og Philippine Army Aptitude Test Battery alang sa mga applicants sa Candidate Soldier Course, Officer Candidate Course ug Officer Preparatory Course sa Visayas nga magsugod karong Pebrero 22 hangtod sa Marso 3 niining mosunod nga mga dapit.

Pebrero 22-23, HQ 3rd Infantry Division, Camp Peralta Jamindan, Capiz; Pebrero 24, 604 West Negros College, Bacolod City; Pebrero 26, Foundation University, Dumaguete City; Pebrero 27, Central Command, Camp Lapu-Lapu, Cebu City, Pebrero 28; Camp Downes, Ormoc City, March 1, Tacloban City, March 2, 3; HQ 811D, PA Camp Lukban, Catbalogan, Samar.

Nunot niini giawhag ang mga aplikante sa Sugbo sa pagparehistro sa Army Recruitment Center of Visayas sa Camp Lapu-Lapu, Lahug sa dakbayan sa Sugbo.

Dugang niini ang mga aplikante ang giawhag usab sa pagdala sa ilang college diploma, transcript of records o NSO authenticated copy sa birth certificate ug valid ID card alang sa dugang kasayuran tawag sa telepono 231-5157.