Globe mibutang og libreng tawag center sa St. Bernard

Ang Globe Telecommunication nagtukod og team CRAG nga nagbutang og duha ka booth didto sa municipal hall sa evacuation center sa Saint Bernard Southern Leyte alang sa libreng tawag sa mga pamilya nga naapektohan sa landslide.

Apan tungod kay walay linya didto sa Saint Bernard, ang Innove subsidiary sa Globe Telecom nag-set up og libreng tawag center didto sa lungsod sa Liloan, Leyte alang sa libreng tawag sa mga pamilya nga nabiktima sa trahedya.

Ang numero sa telepono sa libreng tawag center sa municipal hall sa Liloan, Leyte 0535850734.

Ang Globe nagbutang usab og libreng tawag center didto sa evacuation center sa lungsod sa San Francisco ug ang numero sa telepono 0535863058.

Ang maong libreng tawag center gigamit usab sa milabay'ng landslide nga nahitabo sa Liloan ug San Francisco.

Ang incoming hotline sa Globe mao ang 09063306473.