Kini human gipahibalo ni City Administrator Francisco Fernandez nga nasulbad na ang kasungian tali sa siyudad ug sa Young Builders Construction nga maoy kontraktor kaniadto sa gipahigayon unta nga renovation sa Unit-II Carbon market nga naningil og P70 milyones nga bayad sa ilang pagtrabaho sa pundasyon niini nga wala mahuman.
Natigayon ang maong kasabutan sa milabay pang administrasyon ug nasugdan kini sa pagpatrabaho bisan og wala pay hustong pundo nga gigahin niini ang dakbayan.
Ang WT Construction maoy mananaug nga kontraktor alang sa pagtrabaho na sa maong rampa nga gitumong aron paghatag og sayon nga agianan sa mga kustomer sa mga manindahay nga mahimutang unya sa ikaduha ug ikatulong andana sa Unit I ug III Carbon market.
Human usab sa mao unyang katukoran sa rampa isunod usab ang pagpabarug og balik sa nasunog nga Unit-II Carbon market.
Nunot niini, magbutang og hustong lugar nga himoong parking area sa mga kustomer nga mangumpra nga dunay dala nga sakyanan.