Dose ka balay naugdaw, 1 angol

Naangol ang 66-anyos nga lalaki kinsa mitabang og patay sa kalayo sa nahitabong sunog kagahapon sa buntag diha sa Campo compound Sityo Molave extention barangay Tabunok dakbayan sa Talisay.

Onse ka balay ang nasunog nga kasagaran ginama sa gaay nga materyales og napulo niini ang naugdaw nga mikabat sa P555,000.00 ang danyos niini.

Nakaangkon og first degree burn sa iyang buko-buko si Oscar Campo dihang misuway kini og patay sa kalayo sa sunog.

Ang alarma nadawat sa kabomberohan mga alas 9:59 og singko minutos gikan sa pag-alarma napatay ang kalayo.

Gibutyag ni Felipe Canillas Fire Marshal sa Talisay nga ang sunog nagsugod diha sa balay ni Ricky Campo dihang ang lamparilya nilang suga nadasmagan sa iring ug nalagpot diha sa bulingon nilang mga sinena.

Si Canillas mibutyag usab nga dugay nakatawag diha sa ilang buhatan ang residente sa maong lugar ug nalangan sila sa pag-alarma sa sunog tungod sa mga sakyanan nga nag-ali sa karsada kinsa mibalewala lang sa ilang sirena.

Matud ni Canillas nga gipaubos sa ika-duhang alarma ang nahisgutang sunog tungod kay dali kaayong mikanat ang kalayo sa lugar, ang Pardo ug Minglanilla fire station mitubag usab sa maong alarma.

Sa laing bahin usab naugdaw ang usa ka balay kagahapon sa hapon diha sa Victor Village 2, Tres de Abril, Punta Prinsesa niining dakbayan.

Ang maong balay gipanag-iya ni Mildred Marfa og ubos pa sa imbestigasyon ang maong insidente.

Gibutyag ni Fire Officer Rey Yap nga mikabat sa P100 mil ang danyos sa maong sunog apan walay gikatahong naangol.

Ang alarma sa maong sunog nadawat sa mga bombero mga alas 2:25 ug dos minutos gikan sa pag-alarma napawong ang kalayo.