Gawas niini, naa pay laing nag-ong-ong nga 50 ka mga kaso sa napundo karon sa mga korte diin kon makonbikto ang mga kiniha, mahidugang na usab kining mapaslak sa prisohan.
Matud pa ni Regional Director Deodiro Ravelo sa Philippine Coconut Authority (PCA-7) nga ang labing daghan og mga "illegal cutter" mao ang Cebu.
Apan gumikan sa kaabtik niini molighot, dyutay ra kaayoy madakpan sa mga tinugyanan sa PCA.
Sa pagkakaron miingon si Ravelo nga ang lalawigan sa Bohol maoy nag-una sa kadaghan og mga illegal cutter nga nadakpan ug napriso.
Kini tungod sa kadaghan og tawo sa buhatan sa PCA sa maong lalawigan.
Gisundan kini sa Cebu, Negros Oriental ug Siquijor kansang mga buhatan sa PCA dyutay nalang kaayo og tawo.
Ang "illegal cutter" mao kadtong mga mamuril og lubi nga way permiso gikan sa PCA.