Dugang insentibo sa Lapu police

Ang insintibong cash allowance sa kapolisan sa dakbayan sa Lapu-Lapu maoy nahimong ganti sa maong buhatan gikan sa dakbayan human mapiling "2005 Best City Police Station" sa nasud.

Si Konsehal Damian Gomez nga maoy chairman sa committee on police sa konseho miingon nga ang dugang incentive allowance sa kapolisan gituki na sa konseho aron madasig ang kapolisan sa pagtuman sa ilang trabaho.

Gikauyunang posibleng magdawat og P1,000 nga incentive allowance sa matag bulan ang matag polis, samtang kadtong mga daan nga nagdawat og P1,000 madugangan og P500 ang matag bulan.Samtang ang mga opisyal manukad sa P2,000 hangtud P2,500 ang madawat.

Si Sr. Supt. Louie Oppus sa pakighinabi sa mga tigbalita mihangop sa maong pasalig sanglit dako man og ikatabang sa inadlaw nga panginahanglan sa iyang ginsakupan ang maong kantidad.