Nakamugna og kagubot sa BOC gikiha'g 3 ka kaso

Gipasaka na sa korte niadtong milabayng Biyernes ang tulo ka kaso batok sa usa ka asawa og kolumista sa usa ka mantalaan sa Bureau of Customs human kini pasanginling mimugna og kagubot diha sa bag-ong Customs building sa Pier 6 niadtong Disyembre 13.

Si Joyce Osmeña, sakop sa sinemanang mantalaan nga NOW gikiha ug resistance and serious disobedience to an agent of a person in authority, Grave oral defamation ug alarm and scandal.

Si City Prosecutor Nicolas Sellon miaprubar sa maong mga kaso batok kang Osmeña, base sa reklamo nga wala mopatuo si Osmeña kang PO1 Arthur Santillan dihang gipapagawas kini diha maong buhatan.

Dugang pa sa pasangil mao nga si Osmeña nga nagpunay kini og singgit ngadto sa mga opisyal sa Cebu Customs lakip na ni Cebu Customs Collector Atty. Maria Lourdes Mangaoang nga "kawatan, puno og anomalya."

Apan daan nang mihimakak si Osmeña sa pasangil. Matud pa niya nga igo lang siya naghatud og mga newspaper sa maong buhatan dihang kalit siyang giabog pagawas ug gitionan pa og armas sa usa sa mga polis diha sa maong buhatan.

Nunot sa pag-abog sa maong tigbalita mibahad kini nga ipaabot ngadto sa buhatan sa presidente ang iyang nahibaw-ang mga anomalya sa maong buhatan sanglit duna siya'y mga ebidensyang ikapakita niini.