Matud pa ni SPO2 Victor Cuyno, desk officer sa San Fernando Police Station nga ang pamahayag sa biktima ug ang napamatud-an sa mga tinugyanan sa hospital nga na-rape ang bata, maoy labing makapalig-on sa kaso batok sa suspetsado.
Si Camilo Lagaras, 49, minyo, nga taga Pitalo, San Fernando mitahong malinawon sa iyang kaugalingon ngadto sa kapolisan sa San Fernando niadtong Martes sa alas 3:00 sa hapon.
Si Lagaras kinsa usa ka panday nagtingkagol na karon sa prisohan sa lungsod ug ang kiha nga pagpanglugos gisang-at na sa hukmanan batok kaniya.
Matud pa ni Cuyno nga mikompisal ang suspetsado nga wala na siyay kalibotan kon giunsa niya ang bata gumikan sa iyang kahubog niadtong Domingo sa gabii.
Nasayran nga ang biktima nga si Babie, dili tinuod niyang ngalan (Estela Marie Sasaritas maoy tinuod nga ngalan) nagtungha sa ikaduhang ang-ang sa elementarya sa Pitalo ug silingan ra usab sa biktima.
Nawagtang ang maong bata samtang mipalit kinig makaon sa tindahan sa sayong gabii niadtong Domingo kay giingong gisignit sa suspetsado.
Niana nang pagkabuntag mapalgi sa mga ginikanan nga natulog kauban sa suspetsado sa balay niini.
Dihang gisukit sa inahan nganong nagluya ang bata, sa didto na sa ilang balay, kini mitug-an sa gibuhat kaniya sa suspetsado.
Gikonpirmar sa mga tinugyanan sa tambalanan nga nahilabtan ang kinatawo sa bata.