Si Moises Pontillas ug Alex Bulak, kinsa gikatahong mga hubog, mga security guard ubos sa Allied-Phils. Security Agency and General Services kinsa parehong nadestino diha sa Evergreen Memorial Park sa nahisgutang barangay gibawian ni Insp. Gil Limosnero og .38 kalibre nga service firearms, duty detail order ug nasakmitan usab ang duha og duha ka nga ilimnong makahubog.
Si Pontillas ug Bulak kinsa parehong on duty sa nahisgutang sam-ang gireklamo nila ni Rodulfo Denora, 44-anyos, Pablo Sangdenza, 45, pulos taga Barangay San Roque, Danilo Abangan, 58, Ricardo Yares, 49, Menando Bacalso, 41, pulos taga Sityo Cogon, Barangay Pardo niining dakbayan.
Ang lima mipasangil nga hubog si Pontillas ug Bulak kinsa miduol kanila ug mihulbot sa mga armas niini ug sa walay igong hinungdan gihagad sila og pinusilay hinungdan nga dali silang mitawag sa kapolisan sa Talisay para mangayo og tabang.