Australyano nakadasmag og polis nga nag-responde

Usa ka giingong hubog nga Australyano ang nakadasmag og usa ka polis kinsa gikatahong nagresponde , ang insidente nahitabo diha sa barangay Talisay lungsod sa Sta. Fe niadtong Biyernes sa kaadlawon.

Ang biktima giilang si PO3 Yvonne Ilustrisimo kinsa nadestino sa nahisgutang lungsod kinsa padalong sa barangay Ocoy luwan sa iyang motorsiklo dihang nadumbulan sa suspek nga si John Shortis kinsa gikatahong hubog niadtong tungura.

Si Shortis lumad nga taga Eden Cris Woorin, Australia ug kasamtangang nagpuyo sa barangay Pook sa samang lungsod gikan pa niadtong higayuna sa usa ka bar sa barangay Ocoy.

Si Shortis kinsa nagmaneho usab og motorsiklo niadtong tungura misampak sa motorsiklo ni Ilustrisimo hinungdan sa ilang pagkaangol ug nangalandig sa Bantayan District Hospital.

Matud pa hinuon sa mga polis ang duha ka mga nagbangga parehong luwas na ang kahimtang ug nakagawas dayon sa tambalanan apan kasamtangan pang gipaabot ang desisyon ni Ilustrisimo kung mopasaka ba kini og kaso batok sa maong langyaw.