Giila ng biktima mao si Francisco Sabihon, 65, minyo , ug nagpuyo sa nahisgutang lugar. Si Sabihon mamalitay og mga alahas ug uban pang mga butang base sa gibutyag sa mga kabanay niini ngadto sa kapolisan.
Duha ka wala mailhing mga lalaking luwan sa usa ka kolor yellow nga motorsiklo nga pulos naghelmet ang gitumbok nga mihunong atubangan sa biktima ug maoy mipusil niini.
Si PO3 Rogelio Nedamo sa pakighinabi sa Banat News mibutyag nga nagduda ang mga silingan nga "vigilante" ang mitumba sa biktima apan wala kini ikumpirmar sa kapolisan.
"Vigilante lagi kuno ingon sa mga tawo, pero ato pang gipa-follow up kung duna ba ni record, basin atraso ra diay," sumala pang Nedamo.
Ang biktima nakaangkon og daghang samad pinusilan sa iyang ulo ug dughan human pusila sa mikanaog nga backrider ginamit ang usa ka kalibre 45 nga pistola lima ka higayon.
Nakuha sa kapolisan diha sa crime scene ang tulo ka basiyo sa kalibre 45 nga bala, samtang ang mga suspek daling mikagiw palayo human sa hitabo. '
Wala usab matino kun ang mga gipalit nga alahas ug mga butang sa biktima kun mga kinawat ba kini o ba kaha gikan sa mga tulisan.