10-anyos gi-among-amongan sa tiyo nga bayot

Usa ka 10-anyos nga batang lalaki giunay sa pag-among-among sa 30-anyos nga uyoan niini kinsa gikatahapang usa ka bayot pinaagi sa pagpasulod sa iyang kinatawo sa sampot sa bata (sodomize) sukad pa niadtong Hunyo 2005 diin ang kataposang insidente nahitabo niadtong Disyembre 28, 2005 sa ala una sa kaadlawon diha sulod sa balay sa biktima sa Zone 3 Barangay Mohon dakbayan sa Talisay.

Gipasaka na ang kasong rape ug kasong "child abuse" batok sa suspetsado kagahapon sa buntag diha sa buhatan sa Talisay City Prosecutor's Office.

Ang biktima mao si Julius (tinuod nga ngalan gipugngan) residente sa maong lugar mireklamo ngadto sa buhatan sa Women's Desk Office sa Talisay niadtong Disyembre 29, 2005.

Ang suspetsado mao si Edwin Roma nagpuyo sa balay sa biktima sukad pa niadtong tuig 2001 kinsa nagtingkagol karon sa Talisay City Jail sa barangay Maghaway.

Matud pa sa biktima nga sukad niadtong Hunyo 2005 gisugdan siya sa pag-abuso sa iyang uyoan apan wala dayon kini niya ipahibalo sa iyang mga ginikanan tungod kay gihulga siya sa iyang uyoan.

Ang biktima nagkanayon nga pugson siya og pakighilawas ni Roma pinaagi sa sampot.

Ang igsuon sa biktima nga si Cherry (tinuod nga ngalan gipugngan) 15-anyos, ang nakasaksi sa katapusang insidente diin miluwat kini og affidavit aron paglig-on sa ipasakang kaso batok ni Roma ug gipamatud-an usab kini sa medical certificate nga adunay nahitabong pang-abuso ngadto sa biktima.