Si City Information Officer Nagiel Bañacia mitug-an sa Banat News nga gi-kansel nalang sa siyudad ang pagpahigayon niini karung 2006 gumikan sa nagsingabot nga pag-host sa siyudad sa 12th Asean Summit sa Disyembre sunod tuig.
Nasayran nga gipangandaman na unta sa dakbayan ang maong kalihukan nga gitinguha ni mayor Tomas Osmeña aron susama sa kalihukan sa Sinulog mardi gras mamahimo kining international nga kalihukan nga makadani og mga langyaw'ng turista nga mobisita dinhi sa dakbayan aron lang pagsaksi sa maong okasyon.
Gisugdan ang pagpahigayon ning gitawag og "the longest barbeque stand" atol sa pagpahigayon sa oathtaking ni Presidente Gloria Arroyo nga gipahigayon dinhi sa Sugbo sa Capitol Ground human sa iyang kadaugan sa milabay'ng 2004 presidential election diin napatik kini sa guiness book of world record.