Nadakpan kini alas 3 pasado ang takna sa hapon niadtong Martes didto sa panimalay niini sa barangay Gansaga, Consolacion, Cebu.
Ang nadakpan mao si Tomas Quiapo, hingkod ang panuigon, minyo nga nagpuyo usab sa maong barangay sa nahisgotang lungsod.
Ang team ni SPO3 Hercules Aligno ug mga kauban maoy nakadakop sa maong binilanggo nga nakapuga niadto pang bulan sa Oktobre niining tuiga.
Si SPO1 Richard Perez nga gikahinabi sa Banat News miingon nga nagbalhinbalhin sa pagtago si Quiapo sa mga sikbit nga barangay ug padalikyat kini sa pagpauli sa ilang panimalay sa panahon nga mingaw ang palibot.