Apo, 4, gilugos sa lolo

Usa ka 4 anyos nga batang babaye gilugos sa 70 anyos nga apohan.

Ang pagpanglugos nahitabo sa barangay Cambiohan, lungsod sa Liloan, Cebu.

Giila ang suspetsado nga si Catalino Cabatingan, minyo nga nagpuyo usab sa maong dapit.

Ang inahan sa biktima nga maoy kuyog sa pagsumbong sa kapolisan kagahapon maoy nag-ila sa suspetsado.

Si PO3 Jay Servilla sa women's desk section sa kapolisan sa Liloan nga gikahinabi sa Banat News miingon nga ang paglugos nahitabo dihang wala sila diha sa ilang panimalay.

Matud sa asoy sa inahan ngadto ni PO3 Servilla nga nadiskubrehan ang maong paglugos sa dihang sa iyang pagpangihi nagping-it sa kasakit ang biktima.

Si PO3 Servilla nagkanayon nga ilang gidala ang biktima sa Vicente Sotto Memorial Medical Center sa dakbayan sa Sugbo alang sa tukmang pakisusi niini.