Fisherfolk sa Talisay nabalaka sa fishport

Si Mayor Socrates Fernandez sa Talisay milagda og Memorandum of Agreement (MOA) tali sa grupo sa mananagat sa Sityo Sawsawan Barangay Tangke kabahin sa kasiguroan sa ilang panginabuhian og pinuy-anan.

Ang maong mga mananagat nahadlok nga tungod sa ipatukod nga fish port diha sa ilang lugar mawagtangan sila og mga pinuy-anan ug panginabuhian.

Mipadangat og reklamo ngadto sa konseho sa Talisay sa milabayng adlaw ang Pundok sa Gagmayng Mananagat sa Sawsawan (PGMS) Barangay Tangke kabahin sa itukod nga fish port diha sa ilang lugar.

Ang maong grupo sa mananagat nasagmuyo ug nabalaka diin matud pa nila nga apektado sila sa maong proyekto sa dakbayan ug wala sila hatagi og pormal nga pahibalo niini.

Ang mga mananagat nagkanayon nga wala silay Memorandum of Agreement (MOA) tali sa kagamhanan sa siyudad para sa kasiguroan sa ilang panginabuhian og pinuy-anan.