Banko, gasoline station sa Carcar tulison unta

May tulison unta nga bangko ug gasoline station sa lungsod sa Carcar sa miaging adlaw.

Kini base sa nadawat nga intelligence report sa Cebu Provincial Police Office.

Apan sila si CPPO Director Supt. Vicente Loot ug Police Insp. Juanito Enguera, ang bag-ong hepe sa Provincial Intelligence and Investigation Branch, parehong nagkanayun nga kon gidayun pa sa mga tulisan, segurado gyud nga madakpan sulod sa 45 minutos.

Wala hinuon gibutyag ni Enguera kon unsa nga grupo ang motulis unta sa Allied Bank ug usa ka gasolinahan sa lungsod sa Carcar.

Giklaro usab ni Loot nga ila na nga gipangandaman ang susamang mga kalihukan human sa nahitabong tulis sa Aspac Rural Bank sa lungsod sa Tabogon diin dali rang nadakpan ang mga tulisan.

Dugang pa ni Loot nga padayun usab nilang gi-alerto ang mga bangko sa kalungsuran ug gipadugangan ang ilang mga gwardiya isip kabahin sa ilang hugot nga kampanya batok sa mga tulisan