3rd bridge gisupak ni Tomas

Gisupak ni Mayor Tomas Osmeña ang plano sa Mactan Cebu Bridge Management Board (MCBMB) nga pagbutang og laing ikatulo nga taytayan nga magdugtong sa siyudad sa Mandaue ug isla sa Mactan.

Atol sa press conferece ni Osmeña kagahapon sa udto gipadayag niini nga dili haum ang maong plano sa MCBMB gumikan kay dili gihapon kini garantiya nga makasulbad sa suliran sa kahuot sa dagan sa trapiko diha sa nahisgutang lugar.

Pagkakaron duna nay duha ka taytayan nga nagdugtong sa Mandaue ug Mactan ug ang unang taytayan niini ang bag-ohay lang gibalik pagka-"two way" human misamot kagrabe ang suliran sa trapiko sa nahisgutang lugar.

Hinuon gisugyot ni Osmeña nga inay magbutang og laing bridge mas makaayo kun ang pagtukod og pantalan diha sa Shell island dinhi sa dakbayan nga adto molahos sa Lapu-Lapu.