Brief sa rapist nahibilin

Nahibilin ang brief sa usa ka tawo kinsa dali nga misibat human sa gihimong pag-unay og lugos sa minor de edad nga bayaw niining babaye.

Ang pagpanglugos nahitabo alas 11 pasado ang takna sa miaging gabii sa gipuy-an nilang panimalay sa Purok Nangka, barangay Ibabao, siyudad sa Mandaue.

Ang suspetsado nga si Wilbert Garrido, 28 anyos, minyo ug bana sa igsuong babaye sa biktima nga nagpuyo sa maong dapit padayon na karon nga gipangita sa kapolisan sa maong dakbayan.

Gipasakaan kini og kasong pagpanglugos sa 14 anyos nga bayaw niining babaye kinsa mialegar nga gilugos sa suspetsado alas 11 pasado ang takna sa miaging gabii.

Sa asoy sa biktima ngadto sa mga imbestigador sa Women's Desk Section sa kapolisan sa nahisgotang presinto maoy nahibaw-an nga nag-inusara kining natulog sa ground floor sa gipuy-an nilang panimalay dihang gilugos sa suspetsado.

Dugang pa sa biktima nga nahinanok kini sa pagkatulog ug kalit lang gibati niini ang kasakit sa pribadong bahin sa lawas.

Matud sa biktima nga sa paghigmata niini maoy namatikdan nga gipatungan sa suspetsado ug nagpadayon na sa pagpahimulos sa pagkababaye niini.

Si Dr. Michelle Dy sa Center for Children and Women sa Vicente Sotto Memorial Medical Center (VSMMC) sa dakbayan sa Sugbo maoy nag-eksamin sa kahimtang sa panglawas sa biktima.

Sa giluwatan niining resulta namatud-an ang alegasyon sa biktima sanglit positibo man gayod nga nalugos.