64-anyos milugos sa 10-anyos 'sikop sa Argao

Nasikop na sa kapolisan ang 64 anyos nga suspetsado sa pagsuway paglugos sa 10 anyos nga bata sa lungsod sa Argao.

Ang nadakpan mao si Saluciano Mamac, taga barangay Cabantug, bukirang barangay sa lungsod sa Argao.

Ang insidente nahitabo niadto pang Mayo 1 ning tuiga sa alas 5 sa hapon sa panimaye sa biktima sa nahisgutang lugar.

Ang suspetsado nitug-an sa kapolisan nga nitago siya sa panimaye sa iyang igsoon sa dakbayan sa Mandaue human sa insidente.

Miuli siya niadtong kalag-kalag ug nakit-an sa inahan sa biktima hinungdan nga gitaho kini sa kapolisan.

Piyansa nga P200,000 ang gipahamtang sa korte batok kang Mamac alang sa iyang temporaryong kagawasan.

Ang suspetsado silingan sa iya untang lugoson nga bata sa dihang nag-inusara kini sa ilang panimalay.

Gumikan sa kasikas sulod sa panimaye ug sa paningkamot sa bata nga makalingkawas gikan sa suspetsado, namatikdan kini sa laing silingan nga si Manuel Lina nga maoy nakasakop sa akto sa gibuhat ni Mamac kinsa daling nakasibat human sa hitabo.