Priso sa BBRC giluba sa priso

Samdan ang usa ka priso sa Bagong Buhay Rehabilitation Center (BBRC) human kini dunggaba sa iyang batabata nga kanhi striker sa Theft and Robbery Section sa Cebu City Police Office kagahapon sa buntag.

Si Edwin Bayno,37, dunay kaso sa drogas nakaangkon ug dinunggaban sa iyang lusong-lusong, dughan ug ulo dihang gidunggab ni Thadeo Camacho,20, kinsa gidudahang miunay sa TRS human siya maoy suspek sa pagkahanaw sa mga ebidensya sa TRS.

Si JO1 Edwin Monsalud sa BBRC mitug-ang gisugo sa biktima ang suspek aron pagtimpla og kape sa kalangay gikatahong gikulata sa biktima si Camacho ug gihulga pang dunggabon.

Giingong napul-an na si Camacho sa pagdagmal sa suspek sukad niadto pang bulan sa Hunyo maong nga giluklok ni Bayno ang icepick sa ilawom sa unlan maoy gipangdunggab sa biktima kaniya.

Si Bayno gidala sa Cebu City Medical Center ug gibalhin sa Chong Hua Hospital, human masigurong luwas na kini gibalik kini sa CCMC subay sa patakarang dili mamahimong sa pribadong tambalanan magdugay ang mga priso.