Ang maong pasalig gihimo ni Abella nunot sa mga pasidaan nga ang nahitabong mga pagpamoga sa mga piniriso sa CPDRC maoy pagbansay sa mga pinirisong moalalay sa pagpoga niTan.
Alang kang Abella nga mahimong nakapoga sila si Eduardo dela Concepcion ug Roel Arabis niadtong miaging semana, apan si Tan dili makahimo niini.
Matud pa ni Abella nga maayo kaayo ang pagkapriso ni Tan karon kay gibutang kini sa siguro.
Bisan pa kon may kakunsabo kining mga piniriso, dili gayud makatugot ang mga guwardiya nga hiunhan sila sa dautang laraw ni Tan.
Sa laing bahin, gipatawag na ni Abella ang mga jail guards aron maoy mopuli pagguwardiya sa CPDRC.
Kini sa dihang gihinginlan na ni Gobernador Gwendolyn Garcia ang mga security guard sa Spectrum Security Agency gumikan sa kapakyas niini pagsiguro sa mga piniriso nga dili makapoga.
Gumikan sa kadanghag, nakapoga sila si dela Concepcion ug Arabis gikan sa maong prisohan, apan maayo nalang kay nadakpan pagbalik niadtong Lunes.
Apan si Abella, tungod kay iyang responsibilidad ang tanan isip jail warden, andam moatubang sa imbestigasyon.