23-anyos miinom pesticide

Patay ang usa ka 23-anyos nga lalaki kinsa miinom og pesticide niadtong Huwebes sa kaadlawon diha sa barangay Bulacao dakbayan sa Talisay.

Si SPO2 Jose Nole Pactores miila sa biktima nga si Freddieson Javier lumad nga taga Valencia Bukidnon.

Si Dexter, igsuon sa biktima maoy mitaho ngadto sa buhatan sa kapolisan sa Talisay sa maong hitabo.

Gitugyan usab ni Dexter ngadto sa kapolisan sa Talisay ang usa ka suicide note sa iyang igsoon, diin gisuwat didto ang mga kaguol niini.

Matud pa ni Dexter nga mga alas 3 sa kadlawon sa nahisgutang adlaw aduna siyay nadunggang tingog sulod sa kuwarto sa iyang manghod ug pagsulod niya napalgan na niya ang biktima nga nagping-it na kini sa sakit.

Gidala pagdali sa Chong Hua hospital niining dakbayan ang biktima apan nakabsan kini sa kinabuhi usa ka oras ang milabay.