Bayad sa ihaw patas-an

Patas-an na ang bayranan sa mga negosyante og hayop nga anha magpa-ihaw sa ilang mga baligyang hayop sa mga slaughter house dinhi sa dakbayan sa Sugbo.

Gipadayag ni Dra. Alice Utlang, sa Department of Veterinary Medicine and Fisheries (DVMF), 118 ngadto sa 186 porsyento ang giplanohan nilang ipatuman nga usbaw sa bayranan niadtong mga magpa-ihaw og hayop sama sa baka, baboy ug kanding sa mga ihawan dinhi sa dakbayan.

Gipasabot ni Utlang nga tumong niini aron madugangan ang kita sa panudlanan sa siyudad nga sarang magamit unya sa mga panginahanglan sa siyudad sama sa pagpamugna og mga proyekto.

Giawhag ni Utlang ang konseho sa pag-amendar sa City Tax Ordinance No. 38 kabahin sa gipatumang mga lagda sa mga ihawan dinhi sa dakbayan.