Atty. Econg wa' 'tagbaw sa DENR

Ang kagamhanan sa Talisay mipadangat og hangyo alang a sa re- survey sa lote sa South Reclamation Project (SRP) ngadto sa Department of Environment Natural Resources (DENR) niadtong Lunes.

Matud pa ni Talisay city legal officer Aurora Econg nga ang Talisay misupak sa technical report sa National Mapping and Resource Information Authority.

Diin base sa maong report nga duha lang ka ektarya ug dili 54 ektarya ang encroachment sa Cebu City sa SRP.

Niadtong Marso 28 niining tuiga mipadangat og hangyo ang Talisay ngadto sa DENR para sa re-survey.

Apan ang maong hangyo unom na ka-buwan karon ang milabay wala mahatagi og pagtagad.

Hinungdan nga mipadangat na usab og laing hangyo para sa re-survey ang dakbayan sa Talisay.

Si Econg nagkanayon nga dunay special patent nga gi-isyu pabor sa Cebu City, diin naapil sa maong special patent ang teritoryo nga iya sa kadagatan nga sakop sa Talisay.