Ang pagtabang sa kagamhanan sa maong dakbayan ubos usab sa Small and Medium Enterprises (SME) program nga gipahaum sa nasudnong programa sa kagamhanan.
Si Mayor Thadeo Ouano sa pagpakighinabi sa mga tigbalita ang miingon nga ang mga ginagmay nga panginabuhian ang katabangan sa kagamhanan kon mamugna kini og kooperatiba.
Matud pa niya nga may gigahin nga salapi alang sa kabuhatan sa programa sa nasudnong buhatan nga gisagop usab sa pagpatuman ubos sa iyang administrasyon.
Giklaro niya nga ang pagtabang sa ginagmay nga panginabuhian sa kabarangayan ang nahisama usab sa iyang pagtabang sa mga sakop sa urban poor nga nagtinguha sa pagbaton og permanente ug desinteng kapuy-an.