AG-ONG HEPE: Nangayo'g tabang

Bohol - Gihagit sa bag-ong milingkod nga hepe sa kapolisan sa probinsya ang katawhan sa dakbayan sa Tagbilaran ingon man sa kalungsoran nga mutabang sa iyang buhatan sa kampanya batok sa suliran sa gidiling drugas.

Si Koronel Arturo Evangelista,bag-ong hepe sa kapolisan ning probinsya miingon nga ang kalampusan sa ilang hingusog nga kampanya batok sa suliran sa gidiling drugas mag-agad usab sa tabang sa katawhan.

Giangkon ni Evangelista nga ang katawhan angayan mupahibawo sa kapolisan sa ilang makuha nga kasayuran ni bisan kinsa nga nalambigit sa ilegal nga kalihukan.

Nahibaw-an nga ang problema sa gidiling drugas sa probinsya maoy usa sa tulo ka problema nga ipasulbad ni Gobernador Erico Aumentado ngadto ni Evangelista.

Laing problema nga gusto sa gobernador nga mahatagan sa dinalian nga kasulbaran mao ang problema sa ilegal nga sugal ingon man ilegal nga panagat.