3 nasikop sa Opon

Nasikop sa kapolisan sa Lapu-Lapu ang tulo ka tigpayuhot og ginadiling druga sa dakbayan.

Dala ang search warrant nga gi-isyu ni Judge Grace Faith Econg gisikop sa kapolisan ang managtiayon nga sila si Victor Gadiana, 28 ug Gigi Gadiana diha sa Sitio Sungi Barangay Pajo sa Lapu-Lapu.

Apil sa mga nasikop mao ang look out nga si Sherwin Ybañez ug si Dexie Pepito kinsa gibutyag ni SPO2 Rolito Jumao-as sa pakighinabi sa Banat News nga adunay kaugalingong grupo nga nagpayuhot ug druga

Sa laing bahin nadakpan usab sa kapolisan sa mao ra usab nga dakbayan ang 19 anyos nga lalaki nga si Rene Varona Paro alyas "Parok" mulopyu sa Barangay Tatawid Malabon Metro Manila atol sa Buy Bust Operation nga gipahigayon diha sa Marigondodn sa maong dakbayan

Lakip sa mga nasakmit sa kapulisan ang pinakete nga shabu, mga kahimanan sa paggamit sa ginadiling druga, marked money, ug mga bala sa M-16 ug kalibre 38 nga armas.