Riot gihimakak sa BBRC

Gihimakak sa Bagong Buhay Rehabilitation Center (BBRC) sa Barangay Apas dakbayan sa Sugbo nga adunay riot nga nahitabo kagahapon alas 9 pasado ang takna kagahapon sa buntag.

Kagahapon naalarma ang Mobile Patrol Group (MPG) human kini nakadawat og impormasyon sa usa ka estasyonan sa telebisyon nga adunay riot nga nahitabo sa BBRC.

Ang operator sa MPG miingon nga nagpadala siya og tulo ka patrol groups sa kapolisan aron pagsusi sa maong lugar.

Apan nahibulong na lang ang taga BBRC nganong nangabot ang maong mga grupo.

Si JO1 Jovy Abusaldo sa pakighinabi sa Banat News nagkanayon nga wala siya nasayod nganong giisa ang maong impormasyon nga adunay riot sanglit negatibo man kini.