Pundo gipangayo

Negros Oriental - Giawhag sa mga opisyal ning probinsya ang kadagkuan sa National Economic and Development Authority kon NEDA paglakip sa pag-ayo sa dalan gikan sa lungsod sa Vallehermoso ngadto na sa Escalante nga mahatagan sa dugang pundo gikan sa nasudnong buhatan.

Si Gobernador George Arnaiz ingon man ang mga opisyal ning probinsya mipaabot niining maong awhag ngadto sa kadagkuan sa NEDA.

Nangayo usab sila og tabang gikan sa mga miyembro sa Regional Development Council kon RDC.

Gibutyag sa mga opisyal sa probinsya nga dako kaayo og ikatabang sa kalambuan dili lang sa probinsya kon dili lakip na usab sa probinsya sa Negroc Occidental kon maayo ang dalan nga nagdugtong sa duha ka lungsod.

Muabot ngadto sa 78 kilometros ang gilay-on sa maong dalan nga nagdugtong sa duha ka lungsod.

Gipaabot nga makapahimulos niini mao kadtong mga mag-uuma nga nagpuyo sa duha ka lungsod ingon man sa kasilingan usab nmiini.

Nakita usab nga kining maong dalan makatabang pagdugtong sa laing mga dakbayan lakip na padulong sa dakbayan sa Bacolod ingon man sa San Carlos.