Amahan milugos sa anak gihukman patyon

Amahan gihukman og kamatayon sa korte human mapamatud-I sa korte nga milugos gyud sa iyang 6 anyos nga anak

tulo na ka tuig ang nakalabay, samtang laing usa ka uyuan ang gihukman usab nga mabilanggo sa tibuok kinabuhi human niini lugusa ang iyang pag-umangkon nga iyang gipainom og katyubong.

Ang gihukmang patyon giilang si Edgar(apelyedo gipugngan) kinsa milugos sa iyang 6 anyos nga anak niadtong Agosto 26, ug 27 tuig 2002 diha mismo sa ilang balay samtang wala diha ang inahan sa bata.

Mas gihatagan og gibug-aton ni Regional Trial Court Branch Judge Rafael Yrastorza ang testimonya sa biktimang karong nag-edad na og 8 anyos kabahin sa gibuhat kaniya sa iyang amahan niadtong mga adlawa.

Sumala pa sa biktima nga niadtong Agosto 26, gipugos sa suspek ang iyang kaugalingon ngadto sa kinatawo sa bata bisan ug inosente kaayong gitug-an ang tanang detalye sa gihimo kaniya sa iyang amahan, samtang iya usab gitug-an nga pagkasunod adlaw nagduwa sa iyang kinatawo ang suspek dungan sa pag-abuso na usab sa iyang kinatawo ginamit ang tudlo niini.

Ang tanang nanghitabo gitug-an sa bata ngadto sa korte ug inosente kaayong mitug-an sa gibating kasakit sa iyang kinatawo, ang doktor nga mihiling kaniya nga si Dr. Naomi Poca mitestigong dunay nahitabong pagpwersa sa kinatawo sa bata.

Samtang ang suspek sa iyang depensa nangangkon ug namasangil ngadto sa iyang asawa nga inahan sa bata nga maoy nagtumo-tumo ug walay basehanan ang pasangil batok kaniya gumikan kay nakahibalo siyang mibawos lang kini kaniya gumikan kay kini nahibaw-an niyang nanglaki ug buot niyang kuhaon ang anak(biktima) sa poder sa babaye.

Ang korte mihulagway nga usa ka huyang nga depensa ang 'alibi' ug bisan pa niini ang mismong pamahayag sa biktima paigo na kaayo nga makapamatuod sa nahimong salaod sa amahan ngadto kaniya.

Ang suspek gihukmang mamatay ug mabilanggo gumikan sa paglugos sa iyang kaugalingong anak nga ubos pa sa edad nga 18 anyos ug lain usab nga hukom nga pagkabilanggo og 10 ngadto sa 12 ka tuig gumikan sa pagduwa niini sa iyang kinatawo ug pagmolestiya pag-usab sa bata dugang sa silot mao ang pagbayad og P125,000 nga danyos sa dungog.

Samtang sa laing bahin usa ka Rolando Cano ang gihukman usab nga mabilanggo sa tibuok kinabuhi human kini mapamatud-ing milugos sa iyang 16 anyos nga pag-umangkon human niya kini hubga sa makalipong nga "katyubong" diha sa balay sa iyang apuhan niadtong Oktubre 4,2003 diha sa San Fernando.

Human malipong ang biktima gisugdan niya kini og lugos bisan sa pagpunay og pamalikas sa biktima, gibuhat niya ang paglugos lima ka higayon niadtong gabhiuna hangtud nga nakatulog ang biktima.

Nasuta nga miadto ang biktima sa maong dapit aron unta mopahulay gumikan sa kalapoy sa lawas sanglit gikan pa sila magbayli diha sa ilang lugar.

Gawas sa pagkabilanggo sa tibuok kinabuhi gimanduan usab siya sa pagbayad og P100,000 nga danyos.