Anha sa SRP: Hapon magtukod og hotel

Usa ka langyaw'ng magpapatigayon nga nagbase sa Japan personal nga nakigtagbo kang mayor Tomas Osmeña aron ipadayag niini ang ilang interes pagtukod ug usa ka modernong hotel nga anha mahimutang sa South Reclamation Project.

Gibutyag ni Osmeña atol sa press conference niini kagahapon sa udto nga agresibo kaayung motukod og hotel ang kompaniya nga Alfa Home Limited nga nagbase sa Tokyo, Japan diha sa SRP sa labing daling panahon.

Apan matud sa mayor iyang gipasabot ang representante sa maong langyaw nga kompaniya nga ania karon sa dakbayan nga maghuwat lang una og gamay nga panahon samtang giasikaso pa sa siyudad ang mga ginagmay'ng butang apil na ang pagkumpleto sa titulo sa maong reclamation project nga ilang gituohan nga makuha na sulod ning bulana.

Gibutyag sa mayor nga aron dili ma-discourage ug madasig gyud ang maong kompaniya ila kining gihatagan og insentibo sa siyudad sama sa accomModation .

Gawas niini, gitinguha usab sa mayor nga patun-an sa usa ka technical expert kun haum bang tukoran og hotel ang maong lugar nga gideklarar na ni presidente Gloria Arroyo nga Philippine Economic Zone.

Ang sentro nga bahin sa Kawit Island maoy giplanohan ni Osmeña nga tukoran sa maong hotel nga gibanabanang duna lay pito ka andana ang gitas-on.

Gipasaligan sab sa mayor ang maong kompaniya nga ipaagi sa porsiyento ang pagpaningil sa siyudad sa business permit ug sa buhis niini diin sa matag gross income niini 20 porsIyentong buhis ang pangayuon sa