Payroll money nada's mga tulisan

Nagpadayon karon sa ilang imbestigasyon ang kapolisan sa dakbayan sa Mandaue sa pag-ila sa armadong mga tawo nga milampos pagsakiyo sa payroll money sa usa ka establisamento sa laing pagpanulis nga gihimo niini.

Nahitabo ang pagpanulis sa dalan M.L Quezon sa Maguikay sa nahisgotang dakbayan alas 12 pasado sa udto niadtong miaging adlaw.

Giila ang mga biktima nga mao sila si Dionald Amor, 43 anyos, minyo ug Randy de Leon, 26 anyos, minyo ug mga kawani sa Treasure Island sa Sacris Road sa Banilad sa nahisgotang dakbayan.

Gitulis kini sa tulo ka wala hiilhing mga tawo nga naghupot og armas nga kalibre 45 ug nagsakay sa Skygo nga motorsiklo nga pula ug gitangtang ang plate number niini.

Ang payroll money nga gi-withdraw sa mga biktima nga mokabat sa P185,446 nga gikan pa sa Metrobank sa M.C. Briones sa barangay Guizo ang nasakiyo sa mga tulisan.