Duha sikop kya nag 'Pot Session'

Duha ka tawo ang nasikop sa kapolisan sa Argao niadtong Sabado sa buntag kinsa naaktohang nag-pot session sulod sa pansayan sa grade 5 sa Langtad Elementary School sa barangay Langtad lungsod sa Argao.

Ang mga suspetsado kinsa nadetiner karon sa Argao municipal jail mao sila si Edgardo Villamora Sr. 42, menyo ug Edwin Revillas 34, minyo pulos residente sa maong lugar.

Nasakmit sa mga kapolisan gikan sa duha ang shabu paraphernalia.

Matud pa ni PO1 Ace Herodias nga usa ka concerned citizen sa lugar ang mitawag sa ilang buhatan kabahin sa duha ka suspetsado diin kadudahan kaayo ang mga lihok niini.

Ang grupo sa Argao Dangerous Drug Enforcement and Crack Team dali nga mitubag sa maong taho diin naaktohan sa mga awtoridad ang duha nga gasuyop og shabu.

Si Herodias midungag nga ang duha mag-atubang sa kasong illegal possession of drug paraphernalia.