People power OK

Mipadayag og kabalaka si Arsobispo Ricardo Cardinal Vidal sa posibleng mahitabo gumikan sa gidangatan sa impeachment ni Presidente Gloria Arroyo. Sumala pa niya mas makaayo unta kun nahinayon kini.

Ang Catholic Bishops Conference of the Philippines niadtong Hulyo mipabor nga tubagon sa pangulo ang mga pasangil sa hustong binyu diin iyang kapanalipdan ang kaugalingon kalabot sa mga isyu.

Samtang wala usab isalikway ni Vidal ang mga posibilidad nga dunay mahitabong mga dagkong protesta sa kadalanan kun people power apan gipanghinaut niyang malinawon kini ug walay kasamok.

Si CBCP Spokesman outgoing president sa maong kapunungan nga si Bishop Fernando Capalla walay pagsupak kun dunay mahitabong lain na usab nga hugna sa "people power" nga himuon sa mga tawong diskuntento sa gidangatan sa impeachment ni Presidente Gloria Arroyo kagahapon.

Si Capalla sa pakighinabi sa mga tigbalita kagahapon mitug-an nga basta walay kasamok nga mahitabo dili kadid-an ang paghimo og people power, apan giklaro niya nga ang iyang pamahayag kalabot niini way kalambigitan sa baruganan sa CBCP.

Apan giangkon niya nga walay gahum ang CBCP sa mga obispo nga babagan kung unsa may ilang himuon para sa ilang mga ginsakupan kalabot niini kay matud pa niya igo lang makagiya sa kaparian.

"Bishops can call for anything because they are independent of each other, the conference is not over its bishops we cover only a small power on what the bishops should do in their diocese," asoy pa ni Capalla.