Asawa gikulata kay dili pa 'kuan'

Usa ka asawa midangop sa pagreklamo sa kapolisan batok sa kaugalingon niining bana nga kusog mangulata sa higayon nga makighilawas kini ngadto kaniya.

Midangop sa Presinto 6 sa kapolisan sa Canduman sa dakbayan sa Mandaue aron sa paghikay sa kasong pagpanglugos si Ronalyn (bansagon gipugngan) 31 anyos, nagpuyo sa Canduman Housing sa barangay Canduman sa dakbayan sa Mandaue.

Ang gireklamo mao si Roland (bansagon gipugngan) hingkod ang panuigon ug nagpuyo sa nahisgotang lugar.

Matud pa sa biktima nga kalit lang nasuko ang iyang bana ngadto kaniya dihang gibalibaran ang hangyo niining pagpakighilawas.

Gikulata siya niini ug gipanganlat ang gisul-ob niyang sapot ug underwear ug nanawag pa sa ilang mga silingan sa pagdapit sa pagsud-ong sa hubo niyang kalawasan ug gipahungaw ang lawasnon niining kahinam.