Tindero gipusil sa laing tindero

Anaa karon sa makuyaw nga kahimtang ang usa ka manindahay og prutas sa may dalan Manalili ug D. Jakosalem ning siyudad human mapusili sa laing tindero og prutas nga iyang silingan.

Si Joey Gabayan, 37 anyos ug molupyo sa nahisgotang dapit, naigo sa tangkugo ug maayong pagkalapos sa bala ngadto sa iyang walang bag-ang sa dihang gipusil kini sa nailhang "Ricky" nga pareha ra usab niya og gipanginiabuhian.

Base sa imbestigasyon sa kapolisan sa Homicide Section, naglalis ang isig ka bata-bata ni Gabayan ug Ricky ug nilaban si Gabayan. Si Ricky nga naminaw dali nga mibunot sa iyang kalibre .38 nga armas ug dayong pusil kang Gabayan nga nagtalikod.

Human sa maong insidente dali nga nikagiw ang suspetsado maong wala na naabti sa mga mirespondeng kapolisan.