Si Gayotin sa pakighinabi sa BANAT News nagkanayon nga maayong pagkabansay ang CSU ilabi na ang duha ka suod nga manag-partner nga sila si PO2 Armand Juegos ug PO2 Oliver Jamboy.
Gawas sa rigid nga pagbansay ang personal nga instruksyon ug tambag-pahimangno iya nang gihatag ngadto sa iyang mga sakop gani personal pa kining moadto sa mga police units sa iyang ginsakupan para pagtino sa mga problema.
Wala usab makauyon si Gayotin sa mga pasangil nga kompiyansa ra kaayo ang duha sa pagtubag sa alarma, sumala pa niya nasipyat ra gyud sila si PO2 Jamboy ug PO2 Juegos sa pag-analisar sa sitwasyon ug naunhan hinuon.
"People die because of improper action, bisan unsaon duna gyuy sipyat pero kung wala to mapatay (Prudencio Bores) makasulti ta nga dunay laxity kay nahitabo pa lagyo silang duha, manubag gyud si Jamboy, disgrasya lang gyud," asoy pa ni Gayotin.
Samtang gitug-an ni Gayotin nga bisan sa nahitabo padayon gihapon ang compulsory upgrading sa CSU matag adlaw.
Sa laing bahin, si Gayotin mitug-an nga nabiktima lang gyud si Supt. Herman Lungayan sa kahigayonan dihang gipahibalo ni Mayor Tomas Osmeña nga parelibohan kini sa iyang puwesto diha sa Mobile Patrol Group diin masakop ang CSU.
Sumala pa ni Gayotin niadto pang nakalabay'ng bulan siya mihatag og verbal instruction kang Lungayan ug Chief Insp. Arnel Banzon sa Carbon Police nga magbaylo sa ilang mga puwesto, apan natumong lang gyud nga nahitabo ang pagkapatay nila ni Juegos ug Jamboy.