English gipaboran ni Mayor Tom O

Subling gidophan ni Cebu City Mayor Tomas Osmeña nga ipabilin ang pinulongang English isip medium of instruction sa nasud.

Gibutyag ni Osmeña ang kamahinungdanon sa pinulongang English nga palig-onon dinhi sa nasud ilabina gyud sa Sugbo gumikan kay pinaagi niini masayon lang ang pagdani sa mga langyaw'ng mga magpapatigayon nga mobubo og puhonan dinhi sa Pilipinas.

Gipasigarbo ni Osmeña nga gumikan sa pagmintinar sa pinulongang English isip medium of instruction sa nasud dugang 1,500 ka mga oportunidad sa pagpanarbaho ang gipasalig sa mayor ngadto sa mga Sugboanon sa dili pa matapos karong tuiga wala pay labot sa mosunod nga mga katuigan.

Kini human nakigtagbo sa buhatan ni Osmeña sa City Hall ang mga kadagkuan sa E-Tele Careas nga nagpahibalo kang Osmeña sa plano niining pagbutang og dugang call center dinhi sa dakbayan karong tuiga.