Ediegul way apil sa kiha sa City Hall

Gipasabot ni Mayor Tomas Osmeña nga wala niya iapil og kiha si Kongresista Eduardo Gullas sa giduso nga petisyon nag-kuwestyon sa legalidad sa pagkahimong siyudad sa Talisay gumikan kay dili naman kini maoy mayor sa maong siyudad pagkakaron.

Gibutyag sa mayor nga ang ilang gihimo mao lang ang pagpahibalo sa Court of Appeals nga ilegal ug wala masubay sa tanang mga rekisitos ang pagkahimong siyudad sa Talisay.

Gihimakak sa mayor nga tungod kay ang iyang igsuon nga si Senador Sergio Osmeña III maoy co-author sa Senado sa maong balaudnon kaniadto ni Gullas nga nagdeklarar sa pagka-siyudad sa Talisay gikan sa pagka-munisipalidad niini.

Apan gibutyag ni Osmeña nga human unya mopagawas og desisyon ang Court of Appeals ipadayon niya ang pagpasaka og kasong kriminal batok sa mga opisyal sa Talisay nga responsable sa pagmao-mao sa mga dokumento sa pagkahimong siyudad niini.

Gitumbok ni Osmeña ang population sa maong siyudad nga gihulagway ni subay sa survey mokabat lang og kapin sa 148 mil apan gihimo kining kapin sa 150 mil ka mga molupyo aron mo-qualify sa pagka siyudad.