1 patay sa lumba

Patay ang pasahero sa habal-habal dihang nakiglumba ang drayber niini sa lain usab nga habal-habal nga nakaingon sa pagkalimbuwad sa ilang motorsiklo diha sa barangay Perelos, Carcar sa milabay'ng adlaw.

Giila ang patay nga midangat sa Carcar District Hospital mao si Julius Artajo, hingkod na ang panuigon ug lumulupyo usab sa maong lungsod samtang naangol usab ang laing drayber nga si Gregorio Rosal Jr.

Si SPO3 Reynaldo Fuentes nagkanayon nga padulong sa lungsod sa San Fernando ang duha apan pag-abot sa likuong bahin sa Perelos diha na mahitabo ang panaglumba nga nakaingon sa ilang pagkalimbuwad ug napantok ang ulo sa namatay. Ila pang gipangita ang drayber sa laing habal-habal nga gikalumba sa mga biktima.