Zero-dengue ang M'daue

Zero sa biktima sa dengue ang sa dakbayan sa Mandaue alang niining mosunod nga duha nga ka bulan sa Hunyo ug Hulyo niining tuiga.

Si Mandaue City Health Officer Dr. Oscar Quirante maoy mipadayag niini nga gikahinabi sa mga tigbalita niadtong miaging adlaw.

Matud pa niya nga epektibo ang iyang kampanya sa kabarangayan sa siyudad nga kanunay gayod ang pagpanglimpiyo ug pagsagop sa 4:00 o'clock habit sa matag lumolupyo niini.

Gipasabot ni Quirante nga ang mga lamok nga nagdala og sakit nga dengue sagad gayod mo-atake sa pagpamaak og tawo sa matag 4 ang takna sa hapon ngadto na sa alas 6 sa gabii.

Sa matag alas 5 sa buntag hangtod sa alas 6 buntag matag adlaw nga maoy hinungdan nga labing gikinahanglan ang pagmata sa maong mga oras maoy labing maayong pagahimoon ang pagpaaso pinaagi usab sa pagdaub.

Nunot usab niini iyang gidasig ni Dr. Quirante paglikay nga may mapundo nga hinugas sa lababo, flower base, mga balde o mga ligid, mga botelya nga basiyo sa beer, softdrinks ug uban pa.

Dugang nga mga pahimangno ni Quirante nga labing maayo usab nga malakip sa paglimpyo sa mga sandayong, mga sapot nga gi-hanger nga mahimong itloganan sa mga lamok nga nagdala og dengue. - Romeo T. Limpangog