2 ka casual sa Tabogon mikuha sa kandado sa ballot boxes gikiha

Pormal na nga gipasakaan og kasong simple thief ang duha ka mga casual employees sa munisipyo sa lungsod sa Tabogon human kini gitumbok nga nangawat sa mga padlocks sa ballot box niadtong mga milabay'ng buwan.

Giingon nga ang usa kanila kanhi empleyado sa miaging mayor sa maong lungsod ug ang usa kasamtangang nagserbisyo sa munisipyo.

Si Gaudioso Batal, 20 anyos ang panuigon ug Benjamin Cañete, hingkod ug pulos molupyo sa Tabogon mao ang giilang mga suspetsado sa pagpangawat nga nahitabo niadtong Enero, Pebrero, Abril ug karong buwana.

Ang duha walay gikatahong may mga negatibong records sa nahisgutang lugar.

Sila si Batal ug Cañete sulod gawas sa buhatan sa Public Employment Service Office diin nahimutang ang mga naka-padlock nga mga ballot boxes.

Gisuwayan sa pag-recover sa kapolisan ang maong mga butang nga nangawagtang ngadto sa mga junk shops apan wa na kini nakit-an ug nahibaw-an nga dakung kantidad ang makuha kun kini ipatimbang sanglit nagbalor ang matag usa niini og P85 kun paliton.

Nunot niining maong taho gikonpirmar nga ang pagkawala sa mga padlocks walay kalabotan sa tikas sa eleksiyon.