Hugpong sa mga disabled mireklamo vs mga building

Ang Association of Disabled Persons for Advanced in Talisay, Inc. of Cebu (ADPATIC) mihangyo ngadto sa City Planning and Development Office (CPDC), City Engineer's Office (CEO) ug sa mga building official sa Talisay nga mopahigayon og inspeksiyon sa mga building sa siyudad nga adunay dili mga disabled friendly nga mga agianan.

Base sa inspection report nga gisumiti ni Engineer Randy Dogmoc, sa Office of Persons with Disabilities Affairs nakita nga ang bag-ong merkado sa siyudad gitukod sa barangay Lagtang wala makatuman sa Magna Carta for the Disabled.

Ang Accesibility Law o Batasang Pambansa 344 nga mi-incorporate ngadto sa National Building Code, nagtinguha og mga access features sa mga edipisyo sama sa ramp ug handrails, pansayan ug mga parkingan kaparadahan sa sakyanan una kini maisyuhan og mga building permit.

Si Dogmoc nagkanayon nga ang ramp sa tunga nga entrada sa bag-ong merkado sa dakbayan habog ra kini og walay mga grab rails o tubo nga magunitan.

Ang ramp usab sa maong merkado pabor sa karsada diin nakahatag kini og peligro sa kinabuhi sa mga mogamit niini.

Si Dogmoc midungag nga ang mga pansayan sa nahisgutang merkado dili usab disabled friendly tungod sa kahabog sa horizontal grab bar ug habog usab ang nahimutangan sa mga switch sa mga suga niini.