Kutsilyo nagtaop sa liog sa 14-anyos

Nagtaop pa sa liog sa usa ka 14 anyos nga lalaki ang kutsilyo sa dihang naabot kini sa ospital ug ang doktor na sa emergency room maoy nag-ibot niini.

Si Edmar Modina, giluba sa ilang lugar sa Poblacion Oriental, Consolacion, Cebu niadtong miaging gabii.

Sa nahibaw-an gikan sa kapolisan sa nahisgotang lungsod nga ang biktima naglakaw lang sa maong dapit. Sa dihang gisugat kini sa wala mailhing lalaki ug gidunggab ang biktima sa liog dayong sibat pahilayo ug gibiyaan lang nga nag-ungot sa liog ang kutsilyo.