Mga drayber nga abusado gi-monitor

Bohol - Nakig-alayon karon ang kadagkuan sa Land Transportation Office sa mga opisyal sa kalungsoran ilabi na gayud sa kapolisan sa pagmonitor sa mga drayber nga badlungon.

Kini nga lakang gihimo sa mga opisyal sa LTO taliwala sa reklamo sa daghan nga pasahero batok sa abusadong mga drayber.

Nasentro karon sa ilang pagbantay ang mga drayber nga kusog kaayo ang ilang pagpadagan.

Gawas niini nalakip usab sa gibantayan kadtong mga drayber sa kulorom nga sakyanan.

Kini nga naghatag gayud sa kakuyaw sa mga pasahereo ilabi na gayud kon kini makasugat og aksidente.

Nanawagan usab karon si Regional Director Alex Leyson sa LTO -7 sa pagpaabot sa ilang reklamo ngadto sa ilang buhatan.