Probinsiya sa Bohol wala maglisod og tubig

Bohol - Wala na karon maglisud sa suplay sa tubig ang mga mag-uuma sa nagkalain-laing mga lungsod ning probinsya.

Mao kini ang nadawat nga taho sa buhatan ni Gobernador Erico Aumentado gikan sa nagkalain-laing mga lungsod sa probinsya.

Si Gobernador Aumentado wala karon sa probinsya kay atua kini karon sa Estadud Unidos.

Apan si Provincial Administrator Tomas Abapo miingon nga dako kaayo kini nga tabang ngadto sa mga mag-uuma.

Matud pa ni Abapo nga makatabang kini karon sa kalambuan sa abot sa mga mag-uuma.

Midugang si Abapo nga niining panahon sa ting-ulan maoy angayan usab nga bantayan ang mga katalagman.