Pahimangno sa mga bangko

Tagbilaran City - Giawhag sa kapolisan ang mga tagdumala og tag-iya og bangko ning dakbayan ingon man niadtong nahimutang sa kalungsoran ning probinsya nga mohimo gayud sa ilang pagpalig-on sa seguridad.

Si Chief Superintendent Eduardo Gador, hepe sa kapolisan sa tibuok Central Visayas miluwat sa maong awhag human sa nahitabo nga tulis sa lungsod sa Bogo sa probinsya sa Sugbo.

Labing menus P9.5 milyones ang nakuha sa mga tulisan nga mitulis sa bangko nga gipanag-iya sa kagamhanan.

Human sa nahitabo nga tulis ang kapolisan mihimo karon sa halapad nga pagbantay.

Tinguha usab nila nga maseguro nga mipatuman ang mga tagdumala og bangko sa higpit nga seguridad.

Nahibaw-an nga sa miaging tuig usa ka bangko ning probinsya ang biktima sa pagpanulis.

Samtang laing bangko ang biktima usab sa pagpanglungkab.