Town execs nakapiyansa

Si Malabuyoc mayor Lito Narciso Creus ug laing upat ka mga opisyal sa maong lungsod ang gipangayoan og tag P30 mil nga piyansa para sa ilang temporaryong kagawasan tungod sa kasong corruption.

Ang nahisgutang kaso nasang-at ngadto sa Sandigang Bayan niadtong Hulyo 12 niining tugia.

Ang upat ka mga opisyal nga gikatahong apil sa kaso mao sila si Danilo Cabigon, municipal health officer, Macrina Niaga, municipal accountant; Rochel Allera procurement officer-designate ug Agnes Dumdum, private individual ug manager.

Niadtong Hulyo 28 niining tuiga si Creus, Niaga, ug Allera lang ang mipatim-aw diha sa regional trial court sa dakbayan sa Lapu-Lapu branch 27 diin mihatag kini sa nahisgutang piyansa.

Ang kasong paglapaas sa anti-graft and corruption practices act batok sa maong mga opisyal miusbong dihang ang Commission on Audit (COA) mi-isyu og notices of suspension ngadto sa mga responsable.